關於我們

​

​

開餐廳，你真係適合嗎？🍽️

​

「知個氹係邊，先避得開。」

THINK3TIMES出現既目的只有一個，
就係千方百計打擊想開餐廳/CAFE/小食店嘅人。
千祈唔好開餐廳！千祈唔好開餐廳！千祈唔好開餐廳！
真心，如果你好憎一個人，你鼓勵佢開餐廳就得架啦！殺人不見血就係呢啲。💔💸

​

因為10個有9個半都係會失敗收場。
因為好大機會你會用自己9成積蓄＋辭埋份工＋一噸熱血去創業，
而一間新餐廳通常都會係6至9個月內結業，
其餘半死不活咁過多一兩年都會收埋皮。

輸錢事少，輸到「一蹶不振」、「朋友反目」、「妻離子散」事大！💔💔💔

​

點解咁多人一創業就會諗開餐廳/CAFE/小食店？
最主要係入行門檻低，唔需要咩專業資格。
只要你有一筆錢燒，同埋自認自己煮野好好好好食就可以。
入行門檻雖然低，但起動資金其實係好好好高！
仲要你唔識計數，計漏好多野！
間鋪裝修到一半，發現根本唔夠錢埋尾，
呢啲情況每一日時時刻刻都發生緊。
你投資少則一百幾十萬，多則幾球
用幾千蚊做個全面嘅驗身報告先好喎

​

見完3思(THINK3TIMES)再決定，似乎合理啲喎！
有啲行內人開鋪TIPS，即刻幫你慳到唔只幾千蚊。
我地自己係飲食界打滾左10幾年，
係0.1%既死淨種！
真係咩都見過，穿越過生死，累積到好多數據案例，
先有機會同大家分享。

THINK3TIMES 100%唔會SELL你咩出牌顧問，
邊間裝修公司好(佢地大把客，做都做唔切丫)，
我地只係想開盤數比你睇，
話你知你適唔適合創業開餐廳，
係THINK3TIMES從一而終既使命。

​

其實做咩都有風險，
但風險必需被理性數據化地評估過，
先可以用正確方法降低風險架嘛。💡💼

​

THINK3TIMES