飲食牌貼士 睇鋪唔該叫牌佬一齊去 有啲錢唔慳得！

比哂租、裝修曬，但出唔到合法經營嘅飲食牌！呢鋪真係奶大撻！

但係好多人為咗慳錢，都犯同樣錯誤⋯⋯

早前深水埗有個好經典既案例，事主租左個地鐵站口附近既「靚位」

咁一租左鋪，爭分奪秒搞裝修係非常正路嘅。投入咗二百萬嘅資金，將鋪頭裝修好。

佢以為整好曬一切，等順利拎到牌就可以開業。但係！！等出牌先知奶大撻！

因為先天去水有好大缺憾 - 去唔到水！

所以係幾百萬一秒間化灰！仲未計剩餘租期⋯⋯

要記住，你租落間鋪出唔出到牌，同個業主同地產佬係零關係。

所以地產佬求其Sell你講嘅野聽下就算，要自己FACT CHECK！

所以牌佬係重要的。係你簽任何租約前，一定要揾有信譽既牌佬幫你拎曬啲圖番黎睇。

個牌佬會喺裝修開始之前，同你一齊去睇鋪，檢查所有嘅設施同環境，包括水電供應、消防安全等等。

佢會幫你確保你揀嘅鋪位係符合法規，可以順利拎到牌。有啲錢唔慳得。

請記住，唔好輕忽呢啲風險，要睇鋪唔該叫牌佬一齊去。

唔好因為一時嘅心急或者想慳錢，而忽略咗呢個重要嘅步驟。

睇鋪唔該叫牌佬一齊去 有啲錢唔慳得