開鋪租金伏位 分分鐘比業主強行加租！

開鋪租金按金通常都係3至6個用不等啦，

實際上都係彈性，可以商量嘅。唔一定要按標準去做。

所以自己同業主 / 地產傾下啦，商業決定無話一定要係點

死約內不得加租，就係人都知啦，

強烈建議你開鋪生約個幾年，一定要傾定加幅不能超過幾多百份比，例如租金加幅不得超過3%。

咁樣可以確保你喺租金方面受到合理嘅保護

但有一點要留心！！

如果你啲生意真係做得好好，賺到下錢，

續租時業主又唔可以加你租超過3%，但大市可能係講緊10%！

係呢個時候業主可能會想逼走你，佢就會向你既Cashflow埋手

續租既同時，要你放多6個月按金！係真㗎，可以發生㗎，你吹咩

所以睇到呢到，就記得喺租約內加多一條條款保障自己啦！

「任何續租合約都不可收取多於租金升幅的部分作為按金」

準確字眼緊係問番律師果啲專業人士啦！

喺租鋪嘅過程中，識保護自己嘅權益係非常重要！

所以簽合約之前，仔細睇清楚合約內容

如果有需要，可以尋求專業人士嘅協助啦。