餐廳裝修預算 有數得計! 再醒你慳錢位秘訣

餐廳裝修就有平有貴 ，所有裝修佬都會咁同你講㗎啦。 咁佢地又唔係HEA你嘅，因為佢地唔清楚你想點整，如果你有設計圖比佢睇，成件事就會容易好多。

裝修前有設計圖嘅話，估算係會容易啲！

我地建議大家請一位啱自己風格既設計師，設計個餐廳風格同所有現場擺設，叫佢出份施工圖。呢份施工圖就係最值錢嘅野啦，所用尺寸物料都會係到標示！

點解尺寸物料咁緊要? 因為你鋪同一塊地嘅價錢，都可以相差十倍。

主要係睇你用咩物料，師傅手工就都大致都一樣。

另外知道確實尺寸後，你可以用大約$1000蚊/呎去初步計下，你既鋪頭面積需要投入幾錢做裝修。

同埋有精準嘅尺寸，可以確保所買嘅材料嘅數量準確無誤，避免浪費。

記得裝修係講緊砌磚、整地、裝門、木工、油漆、適量既電位，唔計生財工具同傢俱果啲。

有咗設計圖，裝修師傅就會跟住呢份野開工，報價都要有左呢份野先準！

如果你只係口UP UP，話我想咁咁咁整，你到時9成9係會超支的。

同埋有左呢份施工圖，啲傢俬枱櫈你可自己揾廠整，直接揾廠起碼平3成！

裝修師傅都係同廠拎，所以質素一樣，但價錢平啲！當然你要確定做到有啲防火證書嘅要求。

揾設計師畫定平面圖同所有物件既施工圖，先可以最有效預計真實裝修費用。預計準確可以避免工程去到中期因資金失預算而爛尾！

另外幾個額外貼士，應該都幫到你慳啲Budget：

1. 喺開始裝修之前，要確定好你嘅預算限制。咁樣可以幫助你揀選啱嘅材料同傢俬，避免超出預算。

2. 喺揀材料嘅時候，考慮經濟實惠嘅選擇。例如，可以揀耐用而價格相對較低嘅仿木地板，而唔係昂貴嘅實木地板。

3. 如果而家嘅結構同設施仲可以用，就盡量保留佢哋，唔需要進行全面嘅改造同替換。咁樣可以節省好多費用。

希望呢啲具體嘅建議可以幫到你，計啱個預算，又可以裝修嘅時候慳啲錢。