開餐廳創業 要唔要出糧比自己?

如果你開餐廳，收入係1萬港元，租金係5千港元，食材成本係4千港元，燈油和火爐的費用係1千港元。

咁你係賺定係蝕呢？

唔好答「打和」，自己呃自己係最慘！ 你喺鋪頭做10個鐘唔使出糧? 

保守計，呢盤生意你每月都蝕緊萬7啦大佬 (市價人工起跳價)。

如果你話： 「自己係老闆，唔使計住先啦，有錢賺再分囉⋯⋯」

真心，不如你都係打番工算啦。打工都叫有汗出有糧出呀。

記得開餐廳係商業運作。你唔係用經營生意嘅方法去睇個鋪，你連盤數都唔識睇，你係賺唔到錢㗎！

作為一個餐廳創業者，你需要仔細考慮成本、盈利和風險，當中梗係包括自己人工啦！

真心，蝕$17000都只係簡單計數，實際上還有其他費用和因素需要考慮。

如果你沒有經營好你的餐廳，你分分鐘蝕仲多啲。